Search Results for pushime verore ne turqi 2011

Statistikat e analizauara te 2012

Në bazë të të dhënave të mbledhura nga Aeroporti Ndërkombëtar i Prishtinës “Adem Jashari”, AAC-ja ka analizuar dhe publikuar statistikat e udhëtarëve për vitin 2012. Numri i udhëtarëve gjatë vitit 2012 ka arritur në 1.527.134, që
është një rritje prej 7,37% apo 104.832 udhëtarë më shumë se në vitin 2011. Muaji korrik ka qenë më i ngarkuari me gjithsej 197.331 udhëtarë, i pasuar nga gushti me 196.047, që korrespondon me ardhjen e diasporës sonë gjatë pushimeve verore. Në anën tjetër të spektrit, muaji shkurt dallohet me vetëm 80.196 udhëtarë.
Statistikat tregojnë se Cyrihu vazhdon të mbetet destinacioni më i preferuar i udhëtarëve nga Kosova me 285.462 udhëtarë, apo 19% të trafikut të përgjithshëm, i pasuar nga Dyseldorfi me 9% dhe Mynihu me 8%. Pastaj vijnë në radhë Stambolli (Ataturk), Shtutgarti dhe Gjeneva, me mbi 5% të trafikut secili. Të renditura sipas shtetit, prijnë Gjermania dhe Zvicra me nga 33%, pastaj Turqia me 13%, Austria me 8% dhe Italia me 5%. Te kompanitë, për herë të parë prin kompania ajrore

1. Belle Air Europe me 210.787 udhëtarë, e pasuar nga
2. Germanwings me 201.699,
3. Edelweiss 166.920,
4. Adria Airways 154.633,
5. Belair 127.629,
6. easyJet 112.627,
7. Turkish Airlines 108.882 dhe
8. Austrian Airlines 103.260.

ANP «Adem Jashari» LKIA ka pasur 6.947 fluturime gjatë viti t 2012, apo një ngritje prej 3% në krahasim me vitin paraprak.

Muajt korrik dhe gusht janë dalluar me nga 809 dhe 790 fluturime respektivisht. Shkurti ka qenë muaji me më së paku fluturime, gjithsej 420. Bartja e mallrave ka pasur një rënie prej 6% këtë vit në krahasim me vitin e kaluar. Operatori i aeroportit këtë vit ka mbledhur shënime edhe mb i destinacionet e fundit të udhëtarëve që nisen nga Prishtina dhe fluturojnë përmes ndonjë aeroporti transit. Analizat kanë treguar se, nga udhëtarët që kanë flutuar transit përmes një aeroporti të ndërmjetmë, më së shumti prej tyre destinacion të fundit e kanë pasur Nju Jorkun, të pasuar nga Kopenhaga dhe Londra